Ang Toyota Manila Bay ay isa sa mga maaasahan at nangungunang kumpanya sa pagbebenta ng mga sasakyan at pagbibigay ng magandang serbisyo. Sa kabila ng kanilang tagumpay, lalo rin nilang pinapaigting ang kanilang Corporate Social Responsibility sa pamamagitan ng pagtulong sa mga kabataan. Tunay ngang pinagpala ang mga mag – aaral ng Paaralang Timoteo Paez dahil sa apat na taong pagkakaloob ng mga gamit sa pag – aaral sa 100 na bata sa unang baitang at pagpapakain sa kanila noong Mayo 18, 2019. Nag – ambag din ang mga mangagawa ng TMB ng mga halaman, kagamitan sa pagtatanim at mga gamit sa pagpipintura. Sama- sama silang nagtanim ng mga halaman, naglinis at nagpintura ng mga plant boxes. Tunay ngang hindi lang sa pagbenta ng sasakyan sila maaasahan, subok pa sa pagiging kaagapay sa paghanda ng ating paaralan.
